「老闆早晨！老闆早晨！」每天早上在辦公室裏，這句說話，此起彼落，震耳欲聾，猶如君臨天下，群臣高呼萬歲。
「對唔住！對唔住！大老闆！」「係嘅老闆，你真係英明，你講得好啱，我冇諗過你所講呢個咁聰明嘅方法，好！我即刻跟你指示去做，全力以赴！」即使明顯是老闆的一派胡言，顛倒是非，下屬都會不斷點頭，同時不斷重複恭維和道歉的說話，然後彎下身，倒後行出他的辦公室，完全不敢頂撞老闆。
「爸爸，我託朋友喺古巴買返嚟㗎，食多幾支啦。」「老公，今晚咁高興，我哋飲多杯，唔好俾佢停。」兩段婚姻的伴侶以及和她們所生的子女，千方百計，扭盡六壬，騙取他的歡心，為的當然是他公司的股份。
但這一切，都已成過去。
身為富三代，業務差不多是獨市生意，他的公司仍然運作，但大老闆自從患上肝硬化，再加上肺氣腫、肺部以及腹腔嚴重積水後，再沒有力氣走進辦公室，大部分時間只能臥病在醫院，有家歸不得。
有天早上，隔鄰病床的一對夫婦因吵架吵醒了大老闆。「你仲食煙？你係咪想死呀？你仲飲酒？我就唔俾你返屋企！」「唔好呀，老婆！我冇咗你同埋呢個屋企，我乜都冇㗎啦。」
老闆拉開布簾，看到女人一邊鬧，一邊攬着她的丈夫。老闆蹣跚地走向洗手間，在門外遇見一個小孩被媽媽責罵︰「你仲打機！快啲收埋佢，聽日先可以再打。」小孩情緒失控，一腳踢向媽媽，卻誤中老闆。老闆當場跌倒，淚流兩行，把那兩母子嚇得要命，怕要賠償巨額湯藥費。老闆拍一拍小孩的肩膀，母親即大叫：「唔好打佢呀，好對唔住呀！」誰知，老闆對小孩說：「我成世人，只係聽過人地對我講對唔住，從來無人對我說不，所以我就咁折墮。阿仔，我好羨慕你。乖，唔好打咁多遊戲機。」
其實不需要像這位老闆一般「大晒」，很多人隨着年紀「大咗」一些，身邊已經沒有人會冒險真誠地規勸，指正錯誤。正所謂忠言逆耳，如果工作間和家庭中仍然有人對你說「逆耳忠言」，即使對方是嘮叨了一點、說話技巧笨拙了一點，但整體來說，能有這些說話入耳，也是一份難得的福氣。
(故事細節經修改以保障病人私隱)
撰文︰崔永豪醫生
