学业丶课外活动丶人际关系……样样都想做好，但人人一日只有24小时，咁点算好呢？如果你今朝乌眉瞌睡，集中唔到精神，请以关爱嘅态度问一问自己：「噚晚11点，我做紧啲咩呢？」希望由今晚开始，大家都系咁答：「11点做乜？当然系瞓觉啦！」并持之以恒。
每日日落之後，脑海中就有一把温柔嘅声音，提醒自己：「百忙之中，睡眠第一 （make sleep a priority）」。具体嚟讲，点先叫做「第一」呢？打个比喻，你每日有零用钱24蚊，但你有好多嘢想买，但无论如何，你都一定首先留起8蚊，去面包铺买你嘅早餐，剩番嘅，先至买其他嘢。咁样，你就可以将你每日嘅早餐，作为priority。
瞓觉嘅时候，我哋个脑会排走因新陈代谢而产生嘅毒素。睡眠不足，会大大损害情绪管理以至认知功能，尤其系专注力。 所以，睡眠第一，系最明智嘅生活选择，亦都系爱护自己嘅表现。
(故事细节经修改以保障病人私隐)
撰文∶崔永豪医生
原文刊载於 专注不足/ 过度活跃症（香港）协会FB
