在一间餐厅里，一夥人正在兴高采烈地分享他们凑仔的经验。
「之前每逢星期五晚，我就会忍唔住丧饮酒。即使试过被停牌，但都系戒唔到。但近半年，因为逢星期六朝早我想揸车送仔仔去学游水，如果之前嗰晚饮大咗，第二朝就会起唔到身。系屋企嘅星期五夜晚，自自然然就会停咗饮酒，双脚会自自然然识得行返屋企。好神奇！」
「我都系呀！好神奇㗎！之前每晚都玩手机，玩到失眠，医生警告我会变精神病。我个心好惊，但都系戒唔到。几个月前，我见到囡囡越嚟越沉迷手机，对书本冇兴趣。然後忽然有种神奇力量，令我好似鬼上身咁样，去买成语故事书，仲每晚饭後都睇几页，之後好快瞓得着……你要中文水平好，一定要真心感受中华文化嘅美丽……」
「我都觉得好神奇！之前老婆成日闹我，话我次次关门嘅时候都好大力，嘈亲佢，又粗鲁又冇文化。我都知自己唔啱，但系真系改唔到。不过自从上个月BB学识行路之後，我惊关门时夹亲佢啲手指，脑里面就自自然然系关门嘅时候，有把温柔嘅声音响起，提醒我要细细力。」
到底这是甚麽的神奇力量呢？如此「神力」源自一段最美好的关系。甚麽是美好的关系？能令双方都变成更美好的人，就是一段美好的关系。在父母心目中，儿女就是自己爱到发烧的人，就是一个只是凝望一眼就会令自己心甜的人。他就是我的小王子；她就是我的天使爱美丽。所有的付出和牺牲，都带有无限的意义，是不用计算及解释。
人类的脑袋，追寻「意义」是天性。寻找意义的欲望，有时比起求生存的更加强烈。所以，死亡的威胁都不能令我们就范，意义反而令我们臣服。「令儿女变成一个更美好的人」意义爆棚，爆发出开山劈石的神力，令自己有意想不到的改变，变成一个更美好的人。所以，育儿即使辛苦到不得了，但仍然有千亿人甘之如饴，迎难而上。
(故事细节经修改以保障病人私隐)
撰文∶崔永豪医生
