当疫情过後，第一件事 你想做啲乜嘢？相信有啲人，而家谂紧嘅，即刻离婚。佢哋有一种 好似，顿悟嘅感觉。觉得，自己终於睇清睇楚，枕边人嘅真面目，原来有 几咁丑陋丶无能丶固执 同自私。每日大家 困喺屋企，各种谷气嘅事，都加深大家 各行各路嘅决心。就算未系去到咁极端，有啲人，都唔系好明白，点解疫情令到自己嘅丈夫丶太太，会咁乞人憎。
原因系，大自然塑造我哋人类嘅脑袋，首要任务就系 求生。所以当人身处喺一个 陌生 而又有潜在危险嘅情况，就自然会 不安 恐惧，令我哋走入咗 被害嘅思想模式。任何野走埋嚟嘅时候，当唔清楚系乜，都先当咗系 有敌意 同危险嘅野先；总之，有杀错，无放过。而今次嘅肺炎疫情，就正正系 会带来生命危险 而又完全陌生嘅野， 所以就令人 十分不安 同恐惧。
所以，同一屋檐下嘅人，困系狭窄嘅地方，单单系用厕所，都足以令大家 互相仇恨。硬系觉得佢系专登系你 最急嘅时候，佢就喺厕所里面玩多阵手机。或者觉得自己嘅伴侣，利用防疫做藉口，乘机唔俾我出街，惊我出去勾三撘四。跟住又谂: 如果咁惊我 搵过另外一个，点解 你平时又唔对我好啲..。总之，硬系要谂到佢 要几衰，有几衰。
喺不安恐惧嘅时候，另一种思想模式，就系: 只着眼於呢一刻 欠缺嘅，唔好嘅嘢，对於好嘅，宜家拥有嘅嘢，就视而不见。小朋友要网上学习， 10张工作纸，只系有4张做咗，眼睛只会睇到空白嗰6张，然後谂，梗系老公偷懒 专登唔做，又或系觉得 老婆唔肯用脑，甚至系 老婆根本冇脑。 你有冇趺入咗 呢啲思想陷阱呢？其实 都有唔少夫妇，喺呢几个月，感情系有增进。呢啲 有智慧嘅夫妇，最常用嘅，有4个技巧，结果，就避开咗 头先我所讲嘅 人类脑袋天性 所引来嘅陷阱。
第一，疑点利益 归於被告。例如，叫咗佢做，结果佢冇做到。除非有 充足嘅证据，证明佢系 有能力 但系蓄意唔去做，否则 就唔好乱咁安个罪名俾佢，控诉佢 玩挑衅，搞作对。冷静问吓自己，究竟系佢不为，定系不能呢?
第二，提醒自己，数下有啲乜嘢系 宜家拥有紧嘅，而唔系 吓吓都数住 自己有乜嘢系 欠缺嘅: 提醒自己，其实 已经有四张工作纸做好咗。如果唔系太太督促小朋友，呢4张工作纸，仍然会系空白。先着眼於 拥有嘅野，自然自然 就会谂多一层，问 : 系边个出咗力嘅呢？感恩嘅心，就系咁样培养出嚟㗎啦。
第三，俾啲笑容。人类嘅脑袋，系啱啱出世，仲系BB时，系先有 人面辨识嘅能力，之後 先有说话沟通能力。尤其是喺焦虑嘅时候，更加倾向透过 人嘅面容，而唔系 口讲嘅说话，去了解周围嘅人嘅意图。板起块面，对於一个着紧你丶重视你嘅人，好容易就理解为：『你唔妥我』，久而久之 就会搞到 : 既然你唔妥我，我都唔妥你！俾个笑容吖，笑容提提大家，我即使冇乜时间俾到你，但我仍然喜爱你。
第四，当珍贵嘅嘢，出现问题嘅时候，系谂住整返好佢，唔系掉咗佢。唔单止对婚姻，对健康都系。健康出现问题，系谂住 医番好佢，唔系即刻谂 医番都嘥药费，唔会即刻放弃。佢哋唔会幼稚到以为 配偶换过另一个，下个 必定更可爱。
希望大家透过呢4招，令到 头脑保持清醒，唔好谂错野，唔好睇错野，做到 珍惜枕边人，唔好赶走最爱惜你嘅人。做到二人同心，其利断金。疫情系一时嘅，关系系一世嘅。
撰文∶崔永豪医生
视频版本於 思健学院频道
