要帮自己带齐物件，常用嘅方法，就系将要带嘅物件一一记下，写成清单，然後对住逐样执。其实，除了文字清单外，仲有另一个方法，就系图像记忆。例如今日要去学游水，运动袋上一次用完之後无执好，单凭脑海里面嘅文字清单，好容易执漏野。
我哋可以尝试一下，喺脑海里面浮现 (或者用手画出嚟）一幅画面，睇吓上星期游紧水嘅自己；见到啲咩？一个着住蓝色泳衣，戴泳镜嘅可爱小朋友。仲有啲咩见到呢？佢揸住粉红色嘅浮板。池边椅上面有乜呢？我嗰条白色嘅沙滩毛巾。椅子下面，有对绿色嘅拖鞋。所以我嘅运动袋，应该有泳镜丶泳衣丶浮板丶拖鞋，同埋毛巾。搞掂！
撰文∶崔永豪医生
原文刊载於 专注不足/ 过度活跃症（香港）协会FB
