要幫自己帶齊物件，常用嘅方法，就係將要帶嘅物件一一記下，寫成清單，然後對住逐樣執。其實，除了文字清單外，仲有另一個方法，就係圖像記憶。例如今日要去學游水，運動袋上一次用完之後無執好，單憑腦海裡面嘅文字清單，好容易執漏野。
我哋可以嘗試一下，喺腦海裡面浮現 (或者用手畫出嚟）一幅畫面，睇吓上星期游緊水嘅自己；見到啲咩？一個著住藍色泳衣，戴泳鏡嘅可愛小朋友。仲有啲咩見到呢？佢揸住粉紅色嘅浮板。池邊椅上面有乜呢？我嗰條白色嘅沙灘毛巾。椅子下面，有對綠色嘅拖鞋。所以我嘅運動袋，應該有泳鏡、泳衣、浮板、拖鞋，同埋毛巾。搞掂！
撰文︰崔永豪醫生
原文刊載於 專注不足/ 過度活躍症（香港）協會FB
