學業、課外活動、人際關係……樣樣都想做好，但人人一日只有24小時，咁點算好呢？如果你今朝烏眉瞌睡，集中唔到精神，請以關愛嘅態度問一問自己：「噚晚11點，我做緊啲咩呢？」希望由今晚開始，大家都係咁答：「11點做乜？當然係瞓覺啦！」並持之以恆。
每日日落之後，腦海中就有一把溫柔嘅聲音，提醒自己：「百忙之中，睡眠第一 （make sleep a priority）」。具體嚟講，點先叫做「第一」呢？打個比喻，你每日有零用錢24蚊，但你有好多嘢想買，但無論如何，你都一定首先留起8蚊，去麵包舖買你嘅早餐，剩番嘅，先至買其他嘢。咁樣，你就可以將你每日嘅早餐，作為priority。
瞓覺嘅時候，我哋個腦會排走因新陳代謝而產生嘅毒素。睡眠不足，會大大損害情緒管理以至認知功能，尤其係專注力。 所以，睡眠第一，係最明智嘅生活選擇，亦都係愛護自己嘅表現。
(故事細節經修改以保障病人私隱)
撰文︰崔永豪醫生
原文刊載於 專注不足/ 過度活躍症（香港）協會FB
